5 რჩევა თქვენი ეკოლოგიური ნაკვალევის შესამცირებლად
როგორ შეგიძლიათ შეინარჩუნოთ ძვირფასი ბუნებრივი რესურსები
დედამიწის დღე იქნება გადალახული, როცა კაცობრიობის მიერ ბუნებრივი რესურსების მოხმარება გადააჭარბებს იმ ზღვარს, რისი აღდგენაც ბუნებას შეუძლია იმ წელს. ეს დღე ყოველწლიურად უფრო და უფრო ადრე დგება, რაც იმის უტყუარი ნიშანია, რომ ადამიანებმა უნდა შევცვალოთ ჩვენი მოხმარების ჩვევები. დედამიწის დღის გადალახვა გამოითვლება არაკომერციული ორგანიზაციის Global Footprint Network მიერ.
შეამცირეთ თქვენი ეკოლოგიური კვალი - 5 მარტივი იდეა
თითოეულ ჩვენგანს შეუძლია აქტიური როლი შეასრულოს პლანეტის დაცვაში ჩვენი ეკოლოგიური ნაკვალევის შემცირებით. ამისთვის რადიკალური ცვლილებების შეტანა ცხოვრების სტილში არ არის აუცილებელი. ეტაპობრივად, შეგვიძლია გავხადოთ ჩქვენი ყოველდღიური ცხოვრება და ჩვევები უფრო ეკოლოგიურად სუფთა. 5 მარტივი რჩევა ამის მისაღწევად.
#1 მიირთვით ნაკლები ხორცი და მეტი მცენარეული საკვები
ნახშირბადის ნაკადის შემცირების ერთ-ერთი ყველაზე ეფექტური გზაა მეტი მცენარეული საკვების ჭამა. ეს იმიტომ, რომ ცხოველურ პროდუქტებს აქვთ ბევრად უფრო დიდი ეკოლოგიური კვალი, ვიდრე მცენარეულ პროდუქტებს. ხორცის წარმოება მნიშვნელოვნად მეტ წყალსა და მიწას მოიხმარს და იწვევს სათბურის გაზების მაღალ ემისიებს. სეზონური, რეგიონში წარმოებული საკვების მიღება გლობალური ტრანსპორტის ხარჯების შემცირებას უწყობს ხელს. ხოლო ადგილობრივ ფერმერთა ბაზარზე ახალი პროდუქტების ყიდვით შევამცირებთ შეფუთვის ნარჩენებს.
#2 ნაკლებად იფრინეთ და იმოგზაურეთ მატარებლით, საზოგადოებრივი ტრანსპორტით ან ველოსიპედით
მობილობა დიდ გავლენას ახდენს ჩვენს პირად ეკოლოგიურ ნაკვალევზე. საჰაერო მგზავრობა ითვალისწინებს CO2– ის ემისიის მნიშვნელოვან რაოდენობას, რაც იმას ნიშნავს, რომ ყველა ფრენა, რომელზეც ჩვენ უარს ვამბობთ, საჩუქარია გარემოსთვის. უფრო ეკოლოგიურად სუფთაა მატარებლით, ველოსიპედით ან მანქანით მგზავრობა. ის, თუ როგორ მოძრაობთ ქალაქში, ასევე მნიშვნელოვანია. საზოგადოებრივი ტრანსპორტით სარგებლობა, ველოსიპედით ან ფეხით სიარული ეკოლოგიურად მდგრადი გზაა პლანეტის დასაცავად.
#3 შეიძინეთ ნაკლები ნივთი და მხოლოდ ის, რაც ნამდვილად გაგახარებთ
შეამცირეთ, შეაკეთეთ, გადაამუშავეთ. იქნება ეს ტანსაცმელი, ავეჯი თუ ელექტროტექნიკა: ვინც ნაკლებად ყიდულობს, ის შეგნებულად მოიხმარს რესურსებს. ზოგადი წესია: რაც უფრო გრძელვადიანია პროდუქტების გამოყენება, მით უკეთესია მათი ეკო-ბალანსი. შეარჩიეთ პროდუქტები, რომლებიც წარმოებულია მდგრად და სამართლიანი ვაჭრობის პრაქტიკის შესაბამისად, და რომელთა ტრანსპორტირება არ არის საჭირო დიდ მანძილზე.
#4 სახლში დაზოგეთ ენერგია
გათბობის პერიოდში, შეგიძლიათ დაზოგოთ ენერგია სახლში ტემპერატურის შემცირებით. რამდენად ვთბობთ ჩვენს სახლებს, ეს მნიშვნელოვნად აისახება ჩვენს ენერგეტიკულ ბალანსზე. თერმოსტატის დაწევა მხოლოდ ერთი გრადუსით ამცირებს გათბობის ხარჯებს დაახლოებით 6%-ით. ენერგიის დაზოგვის სხვა ჩვევები მოიცავს ელექტრო ტექნიკის მთლიანად გამორთვას, ლოდინის რეჟიმში დატოვების ნაცვლად. ელექტრო ჩაიდნის გამოყენება უფრო ეფექტურია, ვიდრე გაზქურაზე წყლის ადუღება. დააინსტალირეთ ენერგოეფექტური LED ნათურები და არ დაგავიწყდეთ შუქის გამორთვა ოთახიდან გასვლისას.
#5 გამოიყენეთ განახლებადი ენერგია
ერთადერთი, ეკო მეგობრული ცვლილება მძლავრი ეფექტით არის: მწვანე ელექტროენერგიის ერთერთ პროვაიდერზე გადართვა. სუფთა, განახლებადი ენერგიის გამოყენებამ შეიძლება დაზოგოს საშუალოდ სამკაციან ოჯახში 2 ტონა CO2 წელიწადში.
რა არის ეკო ნაკვალევი?
ჩვენი ეკოლოგიური ნაკვალევი წარმოადგენს დედამიწის იმ ტერიტორიას, რომელსაც ვიკავებთ ჩვენი ცხოვრების წესით. თითქმის ყველაფრისთვის რასაც ვაკეთებთ, ჩვენ ვიყენებთ ბუნებრივ რესურსებს. პირადი ეკოლოგიური ნაკვალევი აღწერს თუ რამდენი მიწაა საჭირო ერთი ადამიანის რესურსის მოხმარების დასაკმაყოფილებლად. ეკოლოგიური ნაკვალევი განსხვავდება ნახშირბადის ნაკვალევისგან, იმით, რომ იგი მოიცავს სხვა გარემოსდაცვით ზემოქმედებას სათბურის გაზების (სათბური გაზების) ემისიების გარდა.
როგორ გამოითვლება ეკოლოგიური ნაკვალევი?
ეკოლოგიური კვალი იზომება გლობალური ჰექტარის ერთეულში, ან მოკლედ გჰა-ში (gha). გაანგარიშება მოიცავს სხვადასხვა ფაქტორს: მაგალითად, ტანსაცმლისა და საკვების წარმოებას, ნარჩენების გატანას, ენერგიის მოხმარებას და ნახშირორჟანგის ემისიებს. ამის შემდეგ, შედეგი შეიძლება შედარებული იყოს მსოფლიოს ან რეგიონის ბიოლოგიურ შესაძლებლობებთან. აქ განიხილება ტერიტორიის უნარი, აღადგინოს ის, რასაც ხალხი მოიხმარს და შეთვისოს მათი ნარჩენები. თუ ქვეყნის ეკოლოგიური ნაკვალევი აღემატება მის ბიოპოტენციალს, უფრო მეტი ბუნებრივი რესურსი იხარჯება, ვიდრე ქვეყანას შეუძლია დამოუკიდებლად აღადგინოს. გლობალური მასშტაბით, ეს ხშირად გამოსახულია კაცობრიობის მიერ მოხმარებული დედამიწების რაოდენობით. დღეს ეს უკვე 1,7 დედამიწაა!
