მცენარის პორტრეტი: გულყვითელა

სიცოცხლის მარადიული ციკლის ამ სურათხატს აძლიერებს კალენდულას მზისფერი ყვავილი, რომელიც მთელი დღის განმავლობაში, მზის მოძრაობას აყოლებს თავს და თავისი კალათა ყვავილედის დახვეწილ სტრუქტურაში აგროვებს და იცავს მის ენერგიულ სასიცოცხლო ძალას.

მცენარის გერმანული სახელწოდება "Ringelblume" მომდინარეობს მისი თესლის ხვეული, ნახევარმთვარის ფორმისგან. თესლები წარმოიქმნება კალათა ყვავილედის ენისებრი ყვავილებისგან. თავისი მომრგვალებით, კეხებითა და კაუჭებით, თითოეული თესლი განსხვავდება მეორისგან და გავრცელების მეთოდების ფართო სპექტრს გვთავაზობს.

კალენდულას მარტივი და  კიდემთლიანი ფოთლები არ განიცდიან მეტამორფოზას, ინარჩუნებენ იგივე მოგრძო ფორმას მთელი  ზრდა-განვითარების განმავლობაში. კალენდულას ფოთლები მცენარის ზრდისა და მუდმივი განახლების პოტენციალის გამოხატულებაა  ფუნდამენტური ფორმის შეცვლის აუცილებლობის გარეშე.

კალენდულას ღეროები, ფოთლები და კვირტები დაფარულია წებოვანი, დამცავი ნივთიერების ფენით. მცენარის უნარი დაარეგულიროს ძლიერი ზრდის პროცესები ეფექტურია, განსაკუთრებით ჭრილობებისა და ინფექციების სამკურნალოდ.