ნუში

ალიკანტე, ესპანეთი
Organic almonds on conveyer belt - Weleda

ურბილესი და უძვირფასესი ზეთი მგრძნობიარე კანისთვის

მგრძნობიარე კანისთვის განკუთვნილი ბიოლოგიური ნუშის ზეთი  ველედას ბუნებრივი კოსმეტიკის  მნიშვნელოვანი შემადგენელი ნაწილია. ჩვილის მოვლისთვის განკუთვნილი ზეთით დაწყებული სახის კანის მოსავლელი ნუშის სერიით დამთავრებული: როდესაც საქმე მგრძნობიარე, მშრალ ან გაღიზიანებულ კანს ეხება, ნუშის ზეთი შეუცვლელი ფუძეა.


 

Farmers sort out sticks from almond harvest

მდგრადი მეურნეობა გვავალდებულებს

რამდენიმე წელია, ველედა ესპანეთის ვალენსიის პროვინციაში კოოპერატივ „მანან“-თან თანამშრომლობს და მისგან რეგულარულად იღებს ეკოლოგიურად სუფთა ნუშს.

პარტნიორობა ველედასა და „მანანს“ შორის მდგრადი მეურნეობისა და გარემოს დაცვის ფილოსოფიის გაზიარებას ეფუძნება. ამ ფილოსოფიის პრაქტიკული გამოხატულებაა წყლის რესურსის დაზოგვით მოხმარება მეურნეობის მთელს ტერიტორიაზე, რომელიც 6 000 ჰექტარ ფართს მოიცავს. კოოპერატივის წევრი 100-მდე გლეხი, რომელიც ნუშს აშენებს და უვლის, შეგნებულად უარს ამბობს ნიადაგის ინტენსიურ რწყვაზე, რადგან ეს გრძელვადიანად ნიადაგის დამლაშებას, ეროზიას და ნაყოფიერების შემცირებას იწვევს.

მაგრამ ამ თავშეკავებას თავისი ფასი აქვს: ერთ ჰექტარ ფართზე დაახლოებით 500 კილოგრამი ნუში მოდის – ეს იმ მოსავლის ერთ მეათედს შეადგენს, რასაც კალიფორნიის პლანტაციებში ინტენსიური მეურნეობის პირობებში იღებენ.

 

ალიკანტეს მიმდებარე მთგორიან ტერიტორიაზე მოსავლის აღება უმეტესად ხელით შრომას მოითხოვს და ადვილი არ არის. მიუხედავად ამისა, ველედასთან პარტნიორობის წყალობით გლეხების მოტივაცია მაღალია. ნუშის კორომების ფრთხილი მოვლის გარდა ისინი განსაკუთრებულ ყურადღებას აქცევენ ნედლეულის ხარისხის უზრუნველყოფას, რაც ითვალისწინებს აღებული მოსავლის სწრაფად და გულდასმით გაშრობას.

Field with almond trees in Andalucia - Weleda Worker sorting out almonds on conveyer belt Almond shell on tree - Weleda Organic almonds on conveyer belt - Weleda Image of Almond Spain - Teaser

გადამუშავების პირველ საფეხურზე სპეციალური დანადგარები ნუშს მწვანე, ჯერ კიდევ რბილ ნაყოფსაფარს აცილებენ, შემდეგ ნუშის კაკალს ამტვრევენ, რომ ძვირფასი გული გამოთავისუფლდეს. კოოპერატივ „მანან“–ის მოსავლის უმეტესი ნაწილი მაღალი ღირებულების მქონე, ეკოლოგიურად სუფთა, ბიოლოგიური საკვები ნუშის სახით სავაჭრო ქსელში ხვდება, ხოლო მისი დაახლოებით ერთი მეოთხედი ცივად იწნეხება, იფილტრება და მიღებული ზეთი ბიოლოგიურად სერტიფიცირებული მეთოდით რაფინირების შემდეგ შვეიცარიაში, გერმანიასა და საფრანგეთში განლაგებულ ველედას საწარმოებში ხვდება. ხარისხის მკაცრი კონტროლის გავლის შემდეგ ის ველედას პროდუქტებში გამოიყენება.

 

 

აღმოაჩინეთ სხვა პროექტები

Image of Sunflower Hungary - 6432

ცენტრალური უნგრეთის მშრალი ბალახების შუაგულში მზესუმზირის ყვითელი ყვავილები იზრდება.

უნგრული მზესუმზირა

ველური არნიკა ძვირფასი საგანძურია. სამკურნალო მცენარე მზისებრი ყვითელი ყვავილებით მგრძნობიარეა და მხოლოდ ბუნებრივი მდელოებით სარგებლობს.

რუმინული არნიკა

შემადგენლობა

ტკბილი ნუშის ზეთი

Prunus Amygdalus Dulcis Oil

ნუშის დახვეწილი და მსუბუქი ზეთი ძალიან კარგად უთავსდება კანს და იდეალურია მგრძნობიარე, გაუხეშებული, ქერცლიანი და მშრალი კანისთვის. ნუშის ზეთის გამოყენება შეიძლება ჩვილისა და ბავშვის კანის მოსავლელად. ის დიდი რაოდენობით შეიცავს უჯერ ცხიმმჟავებს, როგორიცაა ოლეინმჟავა და ლინოლმჟავა.