ქაცვი

ველური ქაცვი წარმოშობით ცენტრალური აზიიდანაა. ათასწლეულების განმავლობაში ის ცენტრალური ევროპის ალპებამდე და ჩრდილოეთისა და ბალტიის ზღვების სანაპიროებამდე  გავრცელდა. ქაცვის მწიფე კენკრა ველედას აღმდგენ პროდუქტებს ვიტამინებით სავსე წვენით ამდიდრებს. ქაცვის წვენის გარდა მისი თესლიც შეიცავს ძვირფას ზეთებს, რომლებსაც ველედა კოსმეტიკურ პროდუქტებში იყენებს. საოჯახო საწარმო „კიუნცი და როეთლისბერგერი“ ტოსკანაში მდებარე თავის ბიოლოგიურ-დინამიკურ მეურნეობაში „სან მარიო“ ამ გაიშვიათებული ველური მცენარის ეკოლოგიური წესით კულტივირებას ეწევა. ათ წელზე მეტია, ველედას  ამ საწარმოსთან მჭიდრო პარტნიორობა აკავშირებს.

კურტ კიუნცი და მისი გუნდი ქაცვის ხუთ სხვადასხვა ჯიშს აშენებს. წვენისა და ვაჟინებისთვის გამოიყენება ჯიშები, რომლებიც დიდი რაოდენობით შეიცავს ვიტამინებსა და მიკროელემენტებს. ღვინის მსგავსად, ქაცვის წვენის გაკეთილშობილებისთვის დიდი მნიშვნელობა აქვს არომატს, მჟავის შემცველობასა და ჯიშების სწორად შერევას. ზოგიერთი ჯიში განსაკუთრებით ხელსაყრელია ქაცვის მკვებავი ზეთების მოსაპოვებლად, რადგან მისი კენკრის რბილობი ზეთის მაღალი შემცველობით გამოირჩევა (ზეთისხილის მსგავსად) და ამიტომ განსაკუთრებით სასარგებლოა კანის მოვლისთვის.

კურტ კიუნცისა და მისი ოთხი თანამშრომლისთვის მდგრადობის დაცვა „სან მარიოზე“ ყოვლისმომცველი კონცეფციაა. ეს მთელს პროცესს ეხება – მცენარეების შერჩევას, შემდეგ ბიოლოგიურ-დინამიკური მეთოდით მინდვრებში მათ მოვლას და, ბოლოს, ენერგიის დაზოგვით მათ გადამუშავებას. ბიოლოგიურ-დინამიკური მეურნეობა ჩაკეტილი ციკლის კონცეფციას კომპოსტური მეურნეობის საშუალებით ახორციელებს. მცენარეული და მინერალური პრეპარატების გამოყენება ნიადაგის მაღალ სიცოცხლისუნარიანობას უზრუნველყოფს, რაც, თავის მხრივ, მცენარეების ჯანმრთელობასა და პარაზიტებისა და დაავადებების მიმართ მათ მედეგობას განაპირობებს.

ქაცვის ნაყოფი ტოტებზეა მიმჯდარი ამიტომ მოსავლის აღებისას ტოტებს ჭრიან როგორც ხელით, ისე მანქანების გამოყენებით. შემდეგ ტოტები „სან მარიოს“ მაცივარში გადააქვთ, რომელიც ნაწილობრივ ქარის ენერგიაზე მუშაობს, და ყინავენ. შემდეგ ეტაპზე სპეციალურად შემუშავებული საცეხვი აპარატის „ქაცვის ქამელეონის“ დახმარებით ტოტებიდან კენკრას აცილებენ. ამის შემდეგ ჯიშების მიხედვით მარკირებულ კენკრას ისევ მაცივარში აბრუნებენ, მისგან პორციებად წურავენ წვენს და დამზოგავი მეთოდით პასტერიზების შემდეგ ჰერმეტულ კასრებში ასხამენ ველედასთვის. შემდგომი გადამუშავებით ქაცვის თესლიდან და წვენიდან შესაძლებელია ქაცვის თესლის ზეთისა და კენკრის რბილობის ზეთის მიღება. 

ამ მხრივ, ველური  ქაცვი „განსაკუთრებულ შემთხვევას“ არ წარმოადგენს, რადგან დღეს ადამიანი სულ უფრო მეტ სასოფლო-სამეურნეო თუ სამკურნალო მცენარეს აშენებს, რომლის მოპოვება რამდენიმე ათწლეულის წინ მხოლოდ ველურ ბუნებაში იყო შესაძლებელი. ამის მიზეზი ნაწილობრივ ის არის, რომ სამშენებლო საქმიანობის შედეგად ველური ზრდის ადგილები ნადგურდება, ხოლო მცენარეთა სახეობები მათი ინტენსიური ათვისების გამო ქრება. ამიტომ, ველედამ მიზნად დაისახა წელიწადში ერთი ველური მცენარის გაშენება, რასაც ის როგორც საკუთარ სამკურნალო მცენარეთა ბაღში, ისე პარტნიორ მკვლევარებთან და სელექციონერებთან თანამშრომლობით ახორციელებს. ეს გაქრობის საფრთხის ქვეშ მყოფი მცენარეების გადარჩენის საწინდარია. გარდა ამისა, ველური მცენარების კულტივირებით ველედა საკუთარი კოსმეტიკური პროდუქტების წარმოებას უზრუნველყოფს აუცილებელი ბუნებრივი ნედლეულით.