ბუნება

ველური ვარდი

ჭეშმარიტი ქალურობისა და ჰარმონიის საიდუმლო

მისი ძალა უდარდელი სილამაზის ჰარმონიაშია

ყვავილების დედოფალი, სიყვარულის ელჩი, სილამაზისა და სიწმინდის სიმბოლო

არცერთი სხვა ყვავილი ისე არ გვხიბლავს, როგორც ვარდი. დღეს ის უამრავი სახითა და სურნელით არსებობს. ვარდის თაიგულის ჩუქება დღემდე სიყვარულისა და დიდი პატივისცემის გამოხატვის ნიშანია. თუმცა ვარდისებრთა ოჯახის ამ წარმომადგენლების არც შინაგანი ღირებულებებია უმნიშვნელო – რომელთა სასარგებლო თვისებები უფრო ინტენსიურად ველურ ფორმებშია გამოხატული. ამიტომ სახისა და სხეულის მოვლისთვის განკუთვნილი პროდუქტების ველური ვარდის სერიისთვის ველედა ასკილის ნაირსახეობას– Rosa Mosqueta-ს და მის წითელი ფერის  ნაყოფს იყენებს. ველედას კოსმეტიკურ პროდუქტებში შემავალი ასკილის თესლის ზეთი ერთ-ერთი ყველაზე ეფექტური ზეთია, რომელიც კანს ტკეცს და სინაზეს უბრუნებს, ხოლო ვარდის შესანიშნავ სურნელს მათ დამასკოს ვარდი აძლევს. ვარდის ინტენსიურ ბუკეტს არომათერაპიაში განტვირთვის, დამშვიდებისა და რეგენერაციისთვის  იყენებენ.

მისი ძალა ჰარმონიაშია

ველური ვარდი ადვილად ახერხებს წონასწორობის დაცვას მოქნილობასა და გამძლეობას, მომთხოვნელობასა და შემგუებლობას შორის. მას ტემპერატურული ცვლილებებიც ვერაფერს აკლებს. ამიტომ მისი ეს დაბალანსებული თვისებები ჩვენი კანის ჯანმრთელობისთვისაც სასარგებლოა. ასკილის თესლის ზეთი კანს ამშვიდებს და ტკეცს, დამასკოს ვარდის სურნელი კი ჰარმონიულ განწყობას ქმნის. ველური ვარდის ველედას სერიის აქტიური ინგრედიენტების ეფექტურობას განსაკუთრებით კარგად გრძნობს კანი 30 წლის ასაკიდან, როდესაც ის თანდათან უფრო მომთხოვნი და მშრალი ხდება.

ბაბილონის სურნელი

გასაკვირი არ არის, რომ ყვავილებს შორის ვარდი ლეგენდის სტატუსით სარგებლობს – მის კულტივირებას ჯერ კიდევ ძველ ბაბილონში მისდევდნენ მისი ფურცლებიდან სურნელოვანი ნელსაცხებლების დასამზადებლად. ვარდს ძველ ჩინეთშიც აშენებდნენ, რადგან კარგად იცნობდნენ მის თვისებებს. კარლოს დიდის ხანაში ვარდის ფურცლების ნაყენს პირში გამოსავლებად და სამკურნალო აბაზანისთვის იყენებდნენ. ვარდის გამოხდა, სავარაუდოდ, სპარსეთში დაიწყეს. ვარდის ეთერზეთი ძალიან ძვირად ფასობდა, რადგან მისი მოპოვება როგორც უწინ, ისე დღესაც დიდ ხარჯებთანაა დაკავშირებული: ერთი ლიტრი ვარდის ზეთის მიღებას სამი მილიონი ყვავილის გადამუშავება სჭირდება. დღეს ველური ვარდის 150-მდე სახეობა არსებობს და ამ სახეობათა თითქმის ორი მესამედი წარმოშობით აზიიდან არის.

 

ბუნება

რა უნდა ვიცოდეთ ნიადაგის მდგომარეობის შესახებ

ნიადაგმცოდნე დრ. ულრიხ ჰამპლი გვიხსნის, როგორ უწყობენ მიკროორგანიზმები ხელს ნიადაგის სიჯანსაღეს და როგორ შეიძლება გამოუცდელმა თვალმაც კი ამოიცნოს ჯანსაღი ნიადაგი.

იხილეთ მეტი
ბუნება

როგორ აგროვებენ ზღვაში პლასტმასის ნარჩენებს

არაკომერციული გარემოსდამცველი ორგანიზაციის "ერთი დედამიწა - ერთი ოკეანე" გემები აგროვებენ პლასტმასის ბოთლებს, პარკებს და სხვა ნაგავს ზღვიდან

იხილეთ მეტი

მსგავსი სტატიები

Health

რა იწვევს თმის ცვენას

ყოველდღიური თმის ცვენა ბუნებრივია - ეს თქვენი თმის შვიდწლიანი ციკლის ნაწილია. მაგრამ თუ კვირების განმავლობაში კარგავთ დღეში 100-ზე მეტ ღეროს, ეს შეიძლება იყოს თმის ცვენის ან ალოპეციის ნიშანი.

იხილეთ მეტი
ოჯახი

როგორ დავეხმაროთ შვილებს სტრესთან გამკლავებაში

ანტი-სტრეს-სტრატეგია, რომელიც შეიძლება დაეხმაროს თქვენს შვილს

იხილეთ მეტი