ველედას ნედლეული
ველედა ვალდებულია უზრუნველყოს ნედლეულის ეთიკურად მოპოვება.
Weleda Group·6/10/2026
პროდუქციისთვის ნედლეულის ეთიკური გზით მოპოვება ველედათვის განსაკუთრებით მნიშვნელოვანია. ამიტომ, 2011 წლიდან ის ეთიკური ბიოვაჭრობის კავშირის წევრია.
ველედას მიწოდების ჯაჭვი მდგრადი და სამართლიანია
ველედას კანის მოსავლელი ნატურალური პროდუქტების შეძენით, თქვენ ხელს უწყობთ ბიომრავალფეროვნების შენარჩუნებას და ადამიანების კეთილდღეობას. ველედა უზრუნველყოფს, რომ ნედლეული მოყვანილი იყოს არა მხოლოდ ორგანულად ან ბიოდინამიურად, არამედ იმასაც, რომ ფერმერსაც და მოსავალსაც სამართლიანად და პატივისცემით მოეპყრონ. როგორც ეთიკური ბიოვაჭრობის კავშირის (UEBT) წევრი, ველედა იცავს ორგანიზაციის მიერ დადგენილ მკაცრ სოციალურ, ეკონომიკურ და ეკოლოგიურ კრიტერიუმებს. მის მიერ განსაზღვრული ღირებულებები როგორც ადამიანების, ასევე პლანეტის საკეთილდღეოდ არის მოწოდებული.
ველედა ერთგულია მდგრადი მომარაგების მიმართ
ველედას სერტიფიცირებული ნედლეულის 80 პროცენტზე მეტი სერტიფიცირებული ორგანული მეურნეობიდან და, შესაძლებლობის შემთხვევაში, ბიოდინამიური მეურნეობიდანაა მოპოვებული. ის ყოველწლიურად ცდილობს ამ პროცენტის გაზრდას სერტიფიცირებულ ორგანულ მწარმოებლებთან ახალი პარტნიორობისა და ახალი ორგანული და ბიოდინამიური კულტივაციის პროექტების მეშვეობით. ველედა ასევე დიდ ყურადღებას აქცევს ინგრედიენტების ხარისხს. მისი ბუნებრივი კოსმეტიკისა და პრეპარატებისთვის გამოყენებული მცენარეების უმეტესობა საკუთარ ბაღებში მოჰყავს. დანარჩენ ნედლეულს ასევე დიდი ხნის პარტნიორებისგან იღებს.
„ველედას მიზანია, თავის სფეროში იყოს ეთიკური და მდგრადი მომარაგების სამაგალითო კომპანია.”
ეთიკური მოპოვება ერთერთი უმთავრესი პრიორიტეტთაგანია
ველედა 2011 წლიდან ეთიკური ბიოვაჭრობის კავშირის (UEBT) სრულუფლებიანი წევრია. ამ არაკომერციული ორგანიზაციის მიზანია წვლილი შეიტანოს ისეთი სამყაროს ჩამოყალიბებაში, სადაც ადამიანების კეთილდღეობა და ბიომრავალფეროვნება მდგრადი იქნება. არაკომერციული ორგანიზაცია გაერთიანებული ერების ორგანიზაციის ინიციატივით შეიქმნა. ის მჭიდრო პარტნიორობას ინარჩუნებს გაეროს ისეთ ორგანიზაციებთან, როგორიცაა ბიოლოგიური მრავალფეროვნების კონვენცია (CBD) და გაეროს ვაჭრობისა და განვითარების კონფერენცია (UNCTAD).
UEBT სტანდარტის 7 პრინციპი
- ბიომრავალფეროვნების დაცვა
- ბიომრავალფეროვნების მდგრადი გამოყენება
- ბიომრავალფეროვნების გამოყენებით მიღებული სარგებლის სამართლიანი და თანაბარი განაწილება
- სოციალურ-ეკონომიკური მდგრადობა (პროდუქტიული, ფინანსური და საბაზრო მართვა)
- ეროვნული და საერთაშორისო კანონმდებლობის დაცვა
- ბიოვაჭრობის საქმიანობაში ჩართული მხარეების უფლებების პატივისცემა
- მიწის საკუთრების, გამოყენების უფლებისა და ბუნებრივ რესურსებზე წვდომის სიცხადე ველედას მიზანია ბიომრავალფეროვნების მაქსიმალურად შენარჩუნება და მდგრადი გამოყენება მცენარეების მოყვანის, მოსავლის აღების და შემდგომი დამუშავების დროს. ყველა კულტივაციის პარტნიორის მიმართ სამართლიანი მოპყრობა, ადამიანის და შრომითი უფლებების დაცვა და საზოგადოების განვითარების ხელშეწყობა.
გაეცანით ველედას ნედლეულის წარმომავლობას
სოფლის მეურნეობის მენეჯმენტში ველედას ყურადღება არა მხოლოდ ნედლეულის მოპოვებაზეა ორიენტებული, არამედ პასუხისმგებლობის აღებაზეც. მცენარეული ნედლეულის მნიშვნელოვანი ნაწილი სოფლის მეურნეობის წარმოებიდან მოდის. ამავდროულად, გლობალურ სოფლის მეურნეობაზე გავლენას ახდენს კლიმატური ცვლილება ისე, როგორც არცერთ სხვა სექტორზე. ველედას პროდუქციის მომხმარებლრები ასევე ელიან ვალდებულებას მიწოდების ჯაჭვის მიმართ, რომელიც შესყიდვების ფარგლებს სცილდება. ისეთ საკითხებში, როგორიცაა ნიადაგის ჯანმრთელობა, ბიომრავალფეროვნება და სოციალური ჩართულობა, ველედას აქტიურ მონაწილედ აქცევს ადგილზე და მას შეუძლია მდგრადი განვითარების მიზნების განხორციელება.
სურნელოვანი ლავანდა ბულგარეთიდან
მნიშვნელოვანია იმ ნიადაგის ხარისხი, სადაც ლავანდა იზრდება. ამიტომ წლების განმავლობაში ველედა მჭიდროდ უჭერდა მხარს ლავანდის ზეთის მწარმოებელს ბულგარეთში, ეხმარებოდა მათ რეგენერაციულ სოფლის მეურნეობასა და დემეტერ- ფერმერობაზე გადასვლაში. ადგილობრივ თემთან ერთად ველედამ შეიმუშავა და დააფინანსა წრიული ეკონომიკა: დისტილაციის შემდეგ დარჩენილი მცენარეული მასალა გადამუშავდება კომპოსტად, რომელიც მინდვრებისთვის ბუნებრივ სასუქად გამოიყენება.
არნიკას ველური პოპულაცია
რუმინეთის კარპატების მთები ევროპაში არნიკას, შესაძლოა, ყველაზე დიდი პოპულაციის სამშობლოა. ველედა იქ არნიკას შენარჩუნებას უწყობს ხელს და ადგილობრივ თემს უჭერს მხარს. მდელო ხშირად ფერმერისთვის დიდ მოსავალს არ იძლევა, მაგრამ თუ იქ არნიკა იზრდება, ის შემოსავლის დამატებით წყაროს წარმოადგენს, რაც მესაკუთრეს მისი ბუნებრივ მდგომარეობაში შენარჩუნების სტიმულს აძლევს. ველური მცენარეების მდგრადი და ხარისხიანი მოსავლის აღება და გადამუშავება მკაცრად რეგულირდება. ველედას მომწოდებელი იცავს ერთობლივად შემუშავებულ სტანდარტებს, რომლებიც მოიცავს არნიკას ყვავილების გაშრობის მეთოდებს.
დამასკური ვარდი მაროკოდან
მაროკოში, ველედას მომწოდებელთან, ვარდის ფურცლები ექსკლუზიურად ხელით იკრიფება. ველედა თანამშრომლობს ქალთა კოოპერატივთან და მაროკოელ პარტნიორთან ერთად შექმენა დაწესებულება, სადაც ქალებს აქვთ წვდომა ძირითად ინფრასტრუქტურაზე (მათ შორის ტუალეტებზე, დასაბან და დასასვენებელ ოთახებზე) და სადაც მათ შვილებზე ზრუნავენ.
