ბუნებრივი კოსმეტიკა

ჯანმრთელობისა და ენერგიის მომცემი ბუნებრივი პროდუქტები, რომლებიც ადამიანის ინდივიდუალურ საჭიროებებზეა მორგებული – ეს არის ფილოსოფია, რომელიც ველედას ბუნებრივი კოსმეტიკისა და კანის კომპლექსური მოვლის კონცეფციას უდევს საფუძვლად.  დაარსების დღიდან, ველედა თავისი პროდუქტებით ადამიანის სხეულს, სამშვინველსა და სულს შორის ჰარმონიის ხელშეწყობას ემსახურება.

ჯანმრთელობისა და ენერგიის მომცემი ბუნებრივი პროდუქტები, რომლებიც ადამიანის ინდივიდუალურ საჭიროებებზეა მორგებული – ეს არის ფილოსოფია, რომელიც ველედას ბუნებრივი კოსმეტიკისა და კანის კომპლექსური მოვლის კონცეფციას უდევს საფუძვლად. 90 წლის წინ კომპანიის დაარსების დღიდან ველედა თავისი პროდუქტებით ადამიანის სხეულს, სამშვინველსა და სულს შორის ჰარმონიის ხელშეწყობას ემსახურება.

კანი არა მარტო ჩვენი უდიდესი გრძნობის ორგანოა – ის ფურცელია, რომელზეც ჩვენი ცხოვრების ისტორია იწერება. კანის საშუალებით ჩვენ გარე სამყაროს ვგრძნობთ და აღვიქამთ, მაგრამ კანი ჩვენს შინაგან სამყაროზეც მეტყველებს. კანის გარეგნობაზე აისახება ადამიანის ასაკი, სასიცოცხლო ენერგია, ემოციური წონასწორობა და მენტალური ჯანმრთელობა. ძლიერი აღგზნების, სტრესის, ნევროზისა თუ ჰორმონალური ცვლილებების შედეგად ჩვენი კანი უფრო მგრძნობიარე ხდება და ორგანიზმი ბუნებრივ წონასწორობას კარგავს.

ველედას ბუნებრივი კოსმეტკის ამოცანა ზოგადი ჯანმრთელობის ხელშეწყობაა. იმისთვის, რომ ჯანმრთელად და მხნედ იყოს, ადამიანი, პირდაპირი გაგებით, თავს კარგად უნდა გრძნობდეს საკუთარ კანში. კანის მოვლის ველედას კონცეფციის უმთავარესი ნიშანი ის არის, რომ მისი პროდუქტები უბრალოდ კი არ ნიღბავენ ხარვეზებს, არამედ კანის თვითრეგულირების ბუნებრივ შესაძლებლობებს ააქტიურებენ.