სპორტული მასაჟი

იმის მიუხედავად, რომელ სპორტულ აქტივობას აირჩევთ, თქვენ დიდ მოთხოვნებს უყენებთ საკუთარ სხეულს. კუნთების უკიდურესობამდე დაძაბვა მათ გამაგრებას და გაძლიერებას იწვევს, მაგრამ მათთვის დასვენება, კარგი კვება და ტრავმებზე დროული რეაგირება ძალიან მნიშვნელოვანია. იმისთვის, რომ კუნთები კარგ მდგომარეობაში იყოს, სასურველია რეგულარული მასაჟი გამათბობელი ზეთებით სპორტული აქტივობის წინ და შემდეგ.

ეფექტური სპორტული მასაჟი ტრადიციული მასაჟის ხერხებს ეფუძნება და ორ ნაწილად იყოფა: მასაჟი სპორტული აქტივობის დაწყებამდე და აღმდგენი მასაჟი, როგორც კი შხაპს მიიღებთ და მზად ხართ მოსადუნებლად.

სცადეთ მასაჟის ეს ტექნიკა სირბილის, ველოსიპედით სიარულის ან მთაში ლაშქრობის წინ და შემდეგ:

ვარჯიშის დაწყებამდე ჩაიტარეთ კუნთების მასტიმულირებელი მასაჟი, მოკლე, სწრაფი მოძრაობებით დაიზილეთ კუნთები. ეს სისხლის მოძრაობას გაააქტიურებს და კუნთებს ვარჯიშისთვის მოამზადებს, ამავე დროს შეამცირებს ტრავმების რისკს.

დაუბრუნდით ზურგის ქვედა ნაწილს და მარჯვენა ხელით მსუბუქად დაატყაპუნეთ ზურგის ქვედა ნაწილსა და დუნდულაზე. გადადით ბარძაყის ზედა ნაწილზე და შემდეგ წვივის გარშემო კოჭამდე. ეს მოძრაობები გაიმეორეთ მარცხენა მხრიდან, ბარძაყის შიდა მხარეს, ბარძაყის უკანა მხარის გარშემო და წვივის გავლით აქილევსის მყესამდე.

შეაერთეთ თითები თასივით და მსუბუქად რითმულად დაარტით დუნდულას, გადადით ბარძაყზე და შემდეგ წვივზე და ჩადით კოჭამდე.

თითოეული ფეხის მასაჟს რამდენიმე წუთი სჭირდება, მაგრამ თქვენი სხეულის მომზადებისთვის ამ დროის დახარჯვა ნამდვილად ღირს. შეგიძლიათ ეს მოსამზადებელი მასაჟი ვარჯიშამდე გარკვეული ხნით ადრე ჩაიტაროთ, მაგრამ ამ შემთხვევაში, არ დაგავიწყდეთ უშუალოდ ვარჯიშის დაწყებამდე მსუბუქი დატყაპუნების გამეორება კუნთების ხელახლა სტიმულირებისთვის.

თუ თქვენ დარბიხართ ან ველოსიპედით დადიხართ, არ დაგავიწყდეთ მხრებისა და მკლავების მასაჟის ჩატარება იგივე ტექნიკისა და მოძრაობების გამოყენებით, რასაც ფეხებისთვის იყენებთ.

ვარჯიშის შემდეგ თქვენს კუნთებს უფრო მსუბუქი, ნელი მოძრაობებით სჭირდება დამუშავება დაძაბულობის მოსახსნელად და სისხლის მიმოქცევის სტიმულირებისთვის. ეს შეგიძლიათ უშუალოდ ვარჯიშის შემდეგ გააკეთოთ, ან შხაპის მიღების შემდეგ, როდესაც გათბებით და მზად იქნებით მოსადუნებლად.

მასაჟი ისევ დაიწყეთ წრიული დაზელვით, მაგრამ ამჯერად დაიწყეთ კოჭიდან, გადაინაცვლეთ ზევით, წვივის გავლით ბარძაყზე, დუნდულაზე და ზურგის ქვედა ნაწილზე.

ახლა ისევ მსუბუქი ზეწოლით კოჭიდან ნელი მოძრაობით ადით ზურგის ქვედა ნაწილამდე. გამოიჩინეთ სიფრთხილე! სპორტული აქტივობის შემდეგ, ნამუშევარი კუნთები შეიძლება ძალიან მგრძნობიარე იყოს ტკივილის მიმართ. მასაჟის დროს ზეწოლა მსუბუქი უნდა იყოს და არ იწვევდეს ტკივილს

ვარჯიშის შემდეგ კუნთების სრულად მოსადუნებლად მსუბუქი მასაჟი კიდევ ერთხელ გაიმეორეთ, დაწყებული კოჭიდან, მაგრამ უფრო ნაკლები ზეწოლით. ეს უფრო ხელის გადასმაა, რომლითაც მასაჟს დაასრულებთ და მადლობას ეტყვით  სხეულს თქვენთვის გაწეული მუშაობისთვის.