ჩასუნთქვა, კონცენტრაცია, შედეგი!

თქვენი გონება იმდენადვე ვარჯიშდება ფიზიკური აქტივობის დროს, როგორც სხეული. სპორტსმენები ხშირად საუბრობენ იმ მედიტაციური მდგომარეობის შესახებ, რომელშიც ისინი შედიან შეჯიბრის კულმინაციის დროს, როცა ისინი აქტიურად კონცენტრირებულნი არიან შედეგზე. ეს არის „ზონა“, რომელსაც მედალოსნები აღწევენ, მაგრამ ის ყველასთვის ღიაა.

აქტიურ ადამიანებს ჯანმრთელი გული და ძლიერი კუნთები აქვთ. მათ ნაკლებად აწუხებთ ჭარბწონიანობა და არ არიან მიდრეკილნი დაავადებებისადმი - დაწყებული რესპირატორული, დამთავრებული დიაბეტით. სიმსივნით დაავადებული, გულის ინფარქტგადატანილი და მძიმე ტრავმაგამოვლილი პაციენტებისთვის კარგადაა ცნობილი, რომ ფიზიკური აქტივობა გამოჯანმრთელებისა და მისი შენარჩუნებისთვის უმნიშვნელოვანესი ფაქტორია.

რა თქმა უნდა, ვარჯიში გონივრულად უნდა წარმართოთ  და თავიდანვე მარათონელივით არ  ირბინოთ. ყოველდღიური ვარჯიშითა და თანდათანობით დატვირთვის გაზრდით შესაძლებელია გამძლეობისა და ძალის  სწრაფი მომატება.

თუ სირბილი თქვენი არჩევანია, მაშინ მიიღეთ რამდენიმე რჩევა ექსპერტებისგან, რომ დაიცვათ თავი ტრავმებისაგან და მაქსიმალური სიამოვნება მიიღოთ ამ ფიზიკური აქტივობით.

სირბილისას თან უნდა იქონიოთ ბოთლი წყლით - მოკლე დისტანციაზეც გესაჭიროებათ რეჰიდრირება. სულ ესაა. გადით გარეთ და ირბინეთ!

ჟურნალი დაგეხმარებათ მოტივაციის ამაღლებაში. შედეგების ანალიზი საშუალებას მოგცემთ დაგეგმოთ შემდგომი ვარჯიშის რეჟიმი საბოლოო მიზნის მისაღწევად.