როგორ განვტვირთოთ ხელი ნაზი მასაჟით

1:ხელის ნაზი გადასმა

ერთ ხელს უჭირავს სამასაჟე ხელი, ხოლო მეორე ხელი ფრთხილი მოძრაობით და მსუბუქი დაწოლით სრიალებს თითისწვერებიდან ნებისა და წინამხრის გავლით იდაყვამდე. იდაყვს გარს უვლის და ისევ უკან ბრუნდება. მეორდება სამჯერ.

2: ცალკეული თითის მასაჟი

ცერა თითი საათის ისრის მიმართულებით წრიულ მოძრაობებს ასრულებს, ხოლო დანარჩენ თითებს ის თითი უჭირავს, რომელსაც მასაჟი უტარდება. დაიწყეთ მასაჟი ფრჩხილის საწოლიდან და ყველა სახსრის გავლით დაასრულეთ თითის ფუძესთან.

3: თითების გაჭიმვა

ხელი მოკიდეთ თითის ფუძეს და მსუბუქი დაწოლით გადააადგილეთ თითის წვერამდე. ამ დროს თითი იჭიმება. დაიწყეთ ცერა თითიდან.

4: ნების ზურგის დაზელა

ამ ილეთით ამუშავებთ ნების ძვლებს შორის არეებს, რაც მყესებისა და კუნთების განტვირთვას იწვევს. სამასაჟე ხელი დაიჭირეთ ორივე ხელით და თითებიდან მაჯის მიმართულებით ცერა თითებით დაზილეთ ნების ძვლებს შორის არეები.. გაიმეორეთ სამჯერ.

5: ხელისგულის მასაჟი

ერთ ხელზე ზურგით ქვემოთ დაიდეთ სამასაჟე ხელი და მეორე ხელის ცერა თითით წრიული მოძრაობებით დაზილეთ მთელი ხელისგული.

6: ცალკეული თითის მოდუნება

ყოველი თითი კიდევ ერთხელ დაზილეთ წრიული მოძრაობებით. დაიწყეთ ცერა თითით და დაამთავრეთ ნეკით. ამის მერე იგივე გაიმეორეთ მეორე ხელზე.